Zëvendëskryeministri dhe nënkryetari i VMRO-DPMNE-së, Aleksandar Nikolloski, deklaroi në “Tema e Ditës” në Televizionin Sitel se Qeveria është e qëndrueshme dhe se nuk ka vend për asnjë bashkëpunim me BDI-në, qoftë formal apo joformal.
Ai theksoi se kryeministri Mickoski ka një vizion të qartë për drejtimin në të cilin duhet të lëvizë vendi, me fokus në luftën kundër krimit të organizuar dhe korrupsionit, të cilat, sipas tij, ishin më të lidhura ngushtë me BDI-në.
“Kryeministri ka një vizion shumë të qartë se ku dëshiron të shkojë vendi, por ajo që është kryesore në vizionin e tij është se duhet të kemi një betejë të fortë me krimin e organizuar dhe korrupsionin, të cilët ishin më të mishëruar në BDI. Premtimi ynë i qartë ishte se BDI do të ishte në opozitë, dhe BDI është në opozitë, dhe për këtë arsye ne nuk lëmë asnjë hapësirë për bashkëpunim me BDI-në, për asnjë element brenda Qeverisë dhe në asnjë formë bashkëpunimi me partinë politike BDI, pavarësisht nëse është bashkëpunim formal, joformal, bashkëpunim vetëm për zgjedhjet lokale, dhe kjo është në fakt vërejtja kryesore ndaj Arben Taravarit dhe sjelljes së tij”, theksoi Nikolloski.
Sipas tij, se Qeveria është shumë e qëndrueshme dhe qytetarët mbështesin politikat e VMRO-DPMNE-së.
“Qeveria është shumë e qëndrueshme, jemi shumë mirënjohës për mbështetjen që morëm vitin e kaluar, VMRO-DPMNE fitoi 58 deputetë, kundërshtari ynë kryesor politik fitoi 18, ka deputetë që mbështesin politikat e VMRO-DPMNE-së, ekziston koalicioni me partinë politike ZNAM, kështu që aktualisht, VMRO-DPMNE dhe ZNAM, po i afrohemi diku rreth 66-67 deputetëve, që është një shumicë shumë e rehatshme”, theksoi zëvendëskryeministri Nikolloski.
