Skuadra angleze e futbollit West Ham njoftoi sot se Niclas Fullkrug pësoi një dëmtim në muskul.
“West Ham United mund të konfirmojë se sulmuesi Niclas Fullkrug ka pësuar një dëmtim të kërdhokullës në ndeshjen e së premtes në raundin e tretë të FA Cup kundër Aston Villa”, tha West Ham në një deklaratë.
Klubi shtoi se sulmuesi gjerman do të mungojë për disa javë. Niclas Fullkrug, 31- vjeç, ka luajtur më parë për klube si Werder Bremen, Nurnberg, Hannover dhe Borussia Dortmund.
Sulmuesi ka një rekord mbresëlënës ndërkombëtar, duke shënuar 14 gola në 22 paraqitje për Gjermaninë.
