Deri të premten do të mbizotërojë mot i ndryshueshëm, nëpër disa lugina me paraqitje të mjegullës. Nga DPHM thonë se nën ndikimin e valës së lagësht dhe të ftohtë, të shtunën do të ketë ndryshim të ndjeshëm të motit me reshje të dendura, të cilat gjatë ditës në pjesën më të madhe të vendit do të kalojnë në borë edhe në pjesën më të ulëta të vendit.
Në male do të krijohet shtresë më e madhe e borës. Do të fryjë erë e fortë nga veriu, ndërsa temperaturat do të ulen ndjeshëm, kumtoi DPHM-ja.
Të dielën temperatura minimale e mëngjesit do të zbresë deri në minus pesë, ndërsa të hënën deri në -13 gradë. Temperatura maksimale ditore do të arrijë në shtatë gradë.
