Kryeministri izraelit Benjamin Netanyahu ka njoftuar për një ofensivë të re në Gaza, duke thënë se do të jetë një operacion ushtarak intensiv me qëllim të mposhtjes së Hamasit.
Në një video të postuar në X, Netanyahu thotë se do të bëhet “zhvendosja e popullsisë, me qëllim të mbrojtjes së saj”. Ai poashtu ka shtuar se “ushtarët izraelitë nuk do të hyjnë në Gaza për të bërë sulme dhe të tërhiqen, por për një qëllim krejtësisht të kundërt,” duke mos dhënë më shumë detaje.
Ndërkohë, më herët gjatë ditës dy zyrtarë izraelitë kanë njoftuar se kabineti i sigurisë së Izraelit ka miratuar një plan për kapjen e gjithë Rripit të Gazës. Sipas Times of Israel, dita e sotme poashtu është shoqëruar me protesta kundër qeverisë Netanyahu, dhe për kthimin e pengjeve të mbetura në Gaza.
Veç kësaj, akuza ndaj kryeminisrit izraelit ka pasur edhe nga ministri i Jashtëm i Iranit, Abbas Araghchi, i cili duke shkruar në rrjetin social X, ka thënë se Netanyahu po bën përpjekje për të tërhequr ShBA-në në një “katastrofë” në Lindjen e Mesme dhe e ka paralajmëruar kundër çdo përpjekjeje për të sulmuar Iranin.
