Feta Alimi, ish pjesëtari i sigurimit në Kuvendin e RMV-së, njëherësh njeriu që i shpëtoi jetën ish-liderit të ASH-së Ziadin Sela më 27 prill në Kuvend, nesër do të lirohet me kusht nga burgu i Idrizovës në Shkup, shkruan Open-TV.
Atij i janë hequr 7 muajtë e fundit.
Alimi, i cili është nga Orizarja e Komunës së Likovës, pritet të lëshoj burgun në mesditë (ora 12:00).
Feta Alimit njëherë i janë falur tetë muaj burg nga presidenti Stevo Pendarovski.
Ai po vuan dënimin nga marsi i vitit 2019, pas ngjarjeve të përgjakshme të 21 prillit të vitit 2017 në Kuvend.
