Me kërkesën për rritjen e rrogës minimale në 500 euro, Lidhja e Sindikatave do të organizojë protesta në ditën e punëtorëve, më 1 maj. Pjesë e kërkesës së sindikatave po ashtu është rritja e të gjitha rrogave për 100 euro, respektimin e marrëveshjeve kolektive dhe rritjen e rrogave në përputhje me marrëveshjet kolektive.
“Luftëtarët për të drejtat e punëtorëve, aktivistët për të drejtat e njeriut dhe të gjithë përkrahësit e luftës, punëtorët, dalin në rrugë pikërisht në ora 11:00 nga “shtëpia e punëtorëve”, prej ku do të dërgojmë porosi edhe para Kuvendit, Oda Ekonomike dhe Qeveria. Kërkesat tona nuk janë prej sot, nuk kanë filluar prej dje dhe nuk do të përfundojnë nesër. Protesta është mënyrë që nga 1 maji të shprehim pakënaqësi me nivelin e rrogave të punëtorëve në Maqedoni, të cilat janë më të ulëtat në rajon, e të mos flasim më gjerë.”, – deklaroi kryetari i LSM-së, Sllobodan Trendafilov.
