Ministri për Çështje Evropiane, Orhan Murtezani, nënshkroi Memorandum bashkëpunimi mes Ministrisë për Çështje Evropiane dhe Institutit për Demokraci “Societas Civilis” (IDSCS).
Ky Memorandum vendos kornizë për bashkëpunim të përbashkët me qëllim të përmirësimit të kapaciteteve të institucioneve në procesin e integrimit evropian të Republikës së Maqedonisë së Veriut.
Bashkëpunimi do të realizohet përmes mbështetjes së grupit punues e formuar nga Qeveria për vendosjen e mekanizmit për kontrollin e investimeve të drejtpërdrejta të huaja dhe grupit më të ngushtë të punës për përgatitjen e projektligjit në këtë fushë, si dhe përmes pjesëmarrjes së përfaqësuesve në aktivitetet e projektuese, konferenca dhe punëtori. Në mënyrë shtesë, IDSCS do të siguroj mbështetje profesionale dhe eksperte në përgatitjen e pozicioneve negociuese për Kapitullin 30 – Marrëdhëniet e jashtme, posaçërisht në pjesën e shqyrtimit të investimeve të drejtpërdrejta të huaja dhe zbatimin e zgjidhjeve ligjore.
Memorandumi parasheh edhe aktivitete të përbashkëta për mbështetjen e zbatimit të obligimeve nga Plani i Rritjes për Ballkanin Perëndimor dhe Agjendën e Reformave 2024–2027, si dhe promovimin e përfitimeve nga reformat për publikun dhe palët e interesuara.
“Integrimi evropian është proces që kërkon institucione të fuqishme, procedura transparente dhe partneritete të bazuara në njohuri dhe ekspertizë. Me këtë bashkëpunim, po përforcojmë urën mes krijuesve të politikave dhe komunitetit të ekspertëve, me qëllim për integrim më të shpejtë dhe me cilësor në Bashkimin Evropian”, theksoi Ministri Murtezani.
