Një ditë para festës së Kurban Bajramit, besimtarët musliman kanë vërshuar në tregun e kafshëvë, për të zgjedhur kafshën që do ta bëjnë sakrificë në emër të Zotit pas faljes së Bajramit.
Më pas sipas traditës Islame, mishi i kafshës shpërndahet nëpër farefis dhe familje me status të rrezikuar social.
Për dallim prej vitit të kaluar, sivjet çmimi i bagëtive është më i lartë. Për këtë arsye edhe blerjet kanë rënë dukshëm. Përgjegjësi i tregut të kafshëve, thotë se qytetarët më shumë interesim shprehin për dele, ndërsa për lopë, ka më pak të interesuar.
“Si zakonisht para festës së Kurban Bajramit, interesimi është i jashtëzakonshëm, gjitashtu edhe këtë vitë ka qenë në nivel. Mundemi me thënë se është një nuancë më e ulët këtë vit. Në vendin tonë është si traditë të merret dashi, delja. Delet këtë vit e kanë patur çmimin nga 130/170, ndërsa lopët 1000 euro e përpjetë” – tha përgjegjësi i tregut.
“Sivjet është më dobët se viteve tjera. Papunësia e madhe, njerëzit janë larguar. Më të shtrenjta janë çmimet, gjithçka ka hip, edhe këto kanë hip”
“Ka, mashAallah mirë, 20/30 euro sivjet janë më shtrenjtë. Çmimi i delës është prej 150 deri 200 euro, ndërsa i lopëve nga1000 deri në 3000 euro” – thanë disa shitës.
“Kemi vendos me ble, por janë pak si shtrenjtë. Nuk kam therr kurban vjet por qysh folin, sivjet janë më shtrenjtë. Unë do marr dash, 300 euro”
“Unë për veti kam vendos me marr dele, jo pse është më lirë, por ashtu kam vendos. Vitet e kaluara nuk kam blerë sepse i kam pas të mijat, i kam pre kafshët e mija. Cjapin ma të mirë e kam shit 100 euro, ashtu ishin edhe tash”
Çmimet janë të larta, qytetarët gjithmonë kanë ankesa për çmimet, sivjet janë më shtrenjtë. Të njëjtin kurban që e kam marrë vitin e kaluar, ka 20 euro dallim” – u shprehën për mikrofonin e TVM2 disa qytetarë.
Kurban Bajrami apo “Festa e Flijimit” është një nga dy festat islame të cilën e kremtojnë myslimanët në mbarë botën.
