Mjaftoi një gol i Vedat Muriqit për t’i dhënë 3 pikët Mallorcan në transfertën e Celta Vigos. Sulmuesi gjuajti saktë, duke mposhtur portierin kundërshtar, në minutën e 85-të.
Për Muriqin është goli i parë sezonal dhe pritshmëritë për futbollistin “Dardan” janë të mëdha për këtë edicion futbollistik në La Liga.
Në sezonin e shkuar, 29-vjeçari dha një kontribut të çmuar në arritjen e mbijetesës teksa shënoi 15 herë dhe dhuroi pasin e fundit 3 herë, në 35 ndeshje të kampionatit spanjoll.
🇪🇸 Vedat Muriqi scores his first goal of the season for Mallorca! 🏴☠️
https://t.co/4lVg4mFNYW— Kosovar Football 🇽🇰 (@kosovarfootball) September 16, 2023
