Kandidati i koalicionit VLEN për kryetar të Komunës së Sarajit, Muhamed Elmazi, ka zhvilluar një takim me strukturat e këtij koalicioni në Bukoviq, ku u shpreh mbështetje e fuqishme dhe e bashkuar për ndryshimin që e meriton Saraji.
Në fjalën e tij, Elmazi theksoi rëndësinë e bashkëpunimit dhe mobilizimit të çdo vendbanimi në komunë për të sjellë qeverisje të drejtë, transparente dhe zhvillimore.
“Strukturat tona në Bukoviq janë të vendosura dhe të bashkuara. Ky unitet është garancia më e madhe se ndryshimi do të ndodhë dhe se Saraji do të marrë drejtimin që meriton,” – u shpreh Elmazi.
Ai shtoi se përmes vizionit të VLEN-it, Saraji do të bëhet një komunë moderne, me investime në infrastrukturë, arsim, zhvillim ekonomik dhe mbështetje për të rinjtë.
Takimi në Bukoviq, sipas tij, është vetëm një dëshmi e fuqisë organizative dhe vullnetit qytetar për ndryshim në të gjithë territorin e komunës.
