Ministria e Shëndetësisë informon se ekipet mjekësore në institucionet shëndetësore vazhdojnë të jenë plotësisht të angazhuara në ofrimin e kujdesit shëndetësor të nevojshëm për të gjithë pacientët. Gjendja e pacientëve monitorohet me kujdes dhe procedurat mjekësore realizohen në përputhje me vendimet konsiliare.
Sipas MSH, gjatë ditës së sotme pacientët janë shpërndarë në disa institucione shëndetësore të vendit, siç vijon: Qendra Klinike – 52 pacientë; SPQ “8 Shtatori” – 17 pacientë; Klinika Universitare “Shën Naum Ohri” – 12 pacientë; Klinika e Toksikologjisë – 10 pacientë; Acibadem Sistina – 7 pacientë.
Përveç sigurimit të kujdesit mjekësor në vend, disa pacientë janë transferuar në institucione shëndetësore jashtë vendit, falë mbështetjes ndërkombëtare dhe bashkëpunimit me shtetet partnere. Në këtë kuadër, janë transferuar pacientë në Lituani (4 pacientë), Slloveni (2 pacientë), Austri (2 pacientë), Serbi (12 pacientë) dhe Bullgari (1 pacient).
Gjithashtu, pritet që gjatë natës dhe ditës së nesërme të realizohet transporti mjekësor nga Austria, Greqia dhe Kroacia, përmes avionëve dhe helikopterëve, për transferimin e mëtejshëm të pacientëve. Ministria e Shëndetësisë thekson se të gjithë pacientët që janë transferuar jashtë vendit ndodhen në gjendje të qëndrueshme dhe po trajtohen me kujdes të vazhdueshëm mjekësor.
