“Rusia nuk mund të vendosë kushte për armëpushimin 30-ditor”, tha presidenti francez Emmanuel Macron pas një takimi dypalësh me Volodymyr Zelensky në Paris në prag të samitit të Koalicionit të Vullnetit.
“Rusia tregon gatishmëri për të vazhduar luftën“, tha Macron, që më pas njoftoi dy miliardë të tjera ndihmë ushtarake për Ukrainën. Për sa i përket sanksioneve ndaj Rusisë, presidenti francez kërkoi që ato të forcohen për sa kohë të vazhdojë pushtimi.
Ndërkohë, një ndihmës i lartë i presidentit Volodymyr Zelensky tha për AFP se Ukraina ka nevojë për një kontribut “serioz” nga Evropa në formën e trupave të gatshme luftarake, dhe jo paqeruajtësve, pas përfundimit të armiqësive me Rusinë.
