Ministria për Çështje Europiane ka bërë 9 punësime të reja, të gjitha me kuadër shqiptar, duke vijuar kështu angazhimin për përfaqësim të drejtë dhe përfshirje të barabartë në institucionet shtetërore.
Punësimet janë bërë në kuadër të politikave të reja të reformimit të administratës dhe rritjes së kapaciteteve profesionale, me synim forcimin e rolit të shqiptarëve në proceset kyçe të integrimit europian.
Nën drejtimin e ministrit Orhan Murtezani, kjo ministri po shndërrohet në një institucion që reflekton realitetin shumëetnik të vendit dhe promovon pjesëmarrjen aktive të të rinjve shqiptarë në proceset vendimmarrëse.
