Sipas njoftimit të tyre, mbrojtësi anglez do të jetë në formë huazimi deri në fund të sezonit me opsionin për ta bërë lëvizjen e përhershme.

“AC Milan është i kënaqur të njoftojë transferimin huazues të Kyle Andrew Walker nga Manchester City FC, me një opsion për ta blerë”, thuhet në komunikatën e Rossonerëve.

“Kyle ka lindur më 28 maj 1990, në Sheffield, Angli. Ai e filloi karrierën e tij në Sheffield United dhe më pas iu bashkua Tottenham Hotspurit, duke bërë debutimin e tij në Ligën Premier në mars 2010″.

“Në verën e 2017, ai u transferua në Manchester City. Gjatë qëndrimit atje, ai luajti 319 ndeshje dhe fitoi 17 trofe. Kjo përfshin gjashtë tituj të Ligës Premier dhe një trofe të Ligës së Kampionëve në 2023”.

“Walker debutoi për kombëtaren angleze në nëntor 2011 dhe ka luajtur 93 ndeshje”.

“Për kohën e tij me kuqezinjtë, Walker ka zgjedhur të veshë fanellën me numrin 32”, thuhet më tej në njoftimin e Milanit.