Milani dhe Newcastle United sezonin e ri të Ligës së Kampionëve e kanë nisur me barazim.
Pas plot 90’ minutave lojë të zhvilluara në stadiumin “San Siro”, Milani ka barazuar 0:0 si vendas me Newcastle, raporton KosovaPress.
Pas plot 20 vitesh pa futboll evropian, Newcastle e shënoi rikthimin në Ligën e Kampionëve duke nxjerrë barazim si mysafire e “Rossonerëve”.
Pavarësisht se gjatë gjithë ndeshjes u tregua bindshëm më e mirë, skuadra e Stefano Piolit nuk arriti ta mposhtë portierin e Newcastle, Nick Pope.
Milani arriti të regjistrojë 25 tentime për gol gjatë gjithë ndeshjes, ku tetë prej tyre ishin në drejtim të portës, për dallim nga Newcastle që kishte gjashtë tentime për gol dhe vetëm një gjuajtje drejt portës së Maignan.
Newcastle dhe Milani arkëtojnë pikët e para të sezonit të ri të Ligës së Kampionëve.
Rezultati final i ndeshjes, 0:0.
