“Është mirë të bëhet krahasim mes parametrave që i bëjnë LSDM dhe BDI kur ata ishin në Qeveri për shtatë vjet, në periudhën qershor 2017 deri maj të vitit 2024, kur rritja e pagës reale neto që e merrnin të punësuarit në Maqedoni ishte rreth 3,5 për qind dhe këtë një vit të Qeverisë së VMRO-DPMNE-së dhe koalicionit, pra nga qershori 2024 deri në qershor 2025, kur rritja reale e pagës neto është 6,5 për qind”, u përgjigj sot kryetari i Qeverisë Hristijan Mickoski mbi akuzat e djeshme nga kryetari i LSDM-së, Venko Filipçe.
“Matematikisht, por edhe nga çdo këndvështrim, 6,5 për qind është pothuajse dyfish më shumë se 3,5 për qind. Qasja selektive dhe ky lloj politike e LSDM-së solli rezultate në Maqedoni, siç ishim dëshmitarë gjatë shtatë viteve të kaluara katastrofale dhe shkatërruese. Por ajo që është më e rëndësishme dhe këshilla ime për udhëheqësinë e LSDM-së, është se ata me këtë qasje selektive e shkatërruan edhe vetë partinë e tyre,” tha ai duke u dërguar mesazh se LSDM duhet të jetë një opozitë konstruktive, në vend që të shpërndajë të pavërteta.
“Këshilla ime për LSDM-në dhe për njerëzit nga udhëheqësia është se ata me këtë qasje selektive e shkatërruan edhe vetë partinë e tyre. Këshilla ime është që më në fund të jenë një opozitë konstruktive, në vend që të manipulojnë dhe të shpërndajnë të pavërteta, të fillojnë realisht të propozojnë diçka që do të nënkuptojë jetë më të mirë për qytetarët, por edhe për ne si Qeveri do të paraqiste një sfidë që do ta pranonim dhe do ta implementonim në politikat tona. Me një fjalë, të jenë një opozitë konstruktive, sepse kjo është ajo që sot u nevojitet qytetarëve.”
