Ju deputetët votuat mosbesimin ndaj anëtarëve të Këshillit Gjyqësor. Por, megjithëse morën mosbesimin nga ata që i votuan, ata ende vazhdojnë të jenë pjesë e Këshillit Gjyqësor dhe të marrin mijëra euro në muaj si kompensim dhe duke gëzuar më pak se 2 për qind besim nga qytetarët – dhe askujt asgjë. Kjo flet mjaftueshëm për çfarë profili njerëzish” bëhet fjalë, dhe a prisni ju nga ta të sjellin ndonjë vendim ndryshe, veçanërisht për rastin e Teodorës e cila u shkel në vijat e bardha” – tha kryeministri Hristijan Mickoski në seancën e sotme parlamentare për pyetje të deputetëve.
Mickoski adresoi reagime të ashpra edhe për Këshillin e Prokurorëve Publikë.
“Por nuk është vetëm kjo. Në rastin konkret ka edhe një institucion tjetër – Këshilli i Prokurorëve Publikë. Aty, imagjinoni, ka një prokuror i lartë publik që kërkon të ulet dënimi i shkallës së parë. Sepse ky rast ka pjesë të të parë aktvendim për 3 vjet e gjysmë, prokurori ankohet për dënim të ulët, dhe eprori i tij në Prokurorinë e Lartë e pranon vendimin, pra pajtohet që të ulet nën 2 vite” – tha Mickoski.
“A prisni ju ndonjë gjë më shumë nga këta njerëz? Unë jo. Faqezinj” – deklaroi Mickoski.
“Nëse ndokush mendon se kemi kujtesë të shkurtër, gabon. Nuk do të kalojnë thjesht ashtu disa gjëra. Drejtësia duhet të jetë e pakontestueshme dhe ta marrin të gjithë” – u shpreh decid Mickoski.
Sa i përket reformave, Mickoski theksoi se ato janë në fazë përfundimtare dhe pret që deri në fund të qershorit të miratohen, por siç tha ai vetë, personalisht ka dilema nëse do të funksionojnë me gjyqtarë dhe prokurorë të tillë.
“Ato janë duke u punuar dhe janë në fazën përfundimtare. Janë pjesë e agjendës reformuese dhe ka një datë të qartë – deri më 30.06 duhet të miratohen. Por, sinqerisht, unë personalisht mendoj dhe kam dilema se diçka nga kjo do të funksionojë me këta gjyqtarë dhe prokurorë të tillë, të cilët janë zgjedhur në mënyrën si janë zgjedhur. Jo të gjithë, por një grup i vogël – por pikërisht ai grup i vogël e kontaminon atë ind më të madh që realisht meriton të jetë gjyqtar dhe prokuror” – theksoi kryeministri Mickoski.
