Kryeministri Hristijan Mickoski thotë se së shpejti do të dalin me prezantimin e zgjidhjes ligjore ndaj kompanive që mundësojnë marrjen e kredive të shpejta. Mickoski tha se është simptomatike sesi këto kompani, shfaqen pikërisht në afërsi të kazinove dhe bastoreve.
“Si qeveri punojmë në dy projekte. Njëri është Ligji i ri për Lojërat e Fatit, ku do të ketë ndryshime të mëdha, ndërsa projekti tjetër është pikërisht kjo që po e thoni, sepse disi rastësisht, afër aparateve, kazinove që i shohim, afër tyre shfaqen kompani për kredi të shpejta. A është rastësi, jam i bindur që nuk është. Numri më i madh i qytetarëve, respektivisht i një pjese të qytetarëve që në thelb kanë probleme financiare, ndërsa një pjesë e tyre vendosin të shkojnë jashtë Maqedonisë, janë pikërisht shfrytëzues të këtyre shërbimeve. Kështu që shumë me kujdes po e përcjellim situatën dhe shumë shpejtë do të dalim edhe me një zgjidhje ligjore, sepse mendojmë që e ardhmja nuk duhet të jetë në atë drejtim. Na duhet shtet i shëndoshë, komb i shëndoshë, siç ka ambicie të krijojë kjo qeveri”, theksoi Mickoski.
