“Hapja e ekspozitës së re në Muzeun Arkeologjik Kombëtar nuk është vetëm një akt kulturor, por edhe një mesazh i fuqishëm se Maqedonia e vlerëson historinë e saj dhe e shndërron atë në dritë që udhëheq të ardhmen”, tha Kryetari I Qeverisë së Republikës së Maqedonisë së Veriut, Hristijan Mickoski.
Kryeministri Mickoski theksoi se nuk do të ketë më ngecje dhe shpërfillje të identitetit tonë, duke nënvizuar se detyra dhe synimi i kësaj Qeverie është ta hapë Maqedoninë para botës, ti mundësojë që publiku, turistët, brezat e rinj të ndjejnë madhështinë e trashëgimisë kulturore me të cilën disponojmë.
“Pas gati shtatë viteve moratorium të vendosur nga qeveria e mëparshme mbi një segment kaq të rëndësishëm të kulturës sonë, sot dërgojmë një mesazh se nuk ka më ngecje, nuk ka më shpërfillje të asaj që është themeli i identitetit tonë. Detyra jonë është ta hapim Maqedoninë para botës, të mundësojmë që publiku, turistët, brezat e rinj ta ndjejnë madhështinë e trashëgimisë kulturore me të cilën disponojmë”, theksoi ai dhe shtoi:
“Arkeologjia nuk është vetëm e kaluara – ajo është dëshmi e gjallë e zhvillimit, kreativitetit dhe këmbënguljes së paraardhësve tanë. Me këtë ekspozitë të re, siç theksuan edhe nga Muzeu Arkeologjik Kombëtar, trashëgimia jonë kulturore do të prezantohet në një mënyrë edhe më të qasshme, interaktive dhe frymëzuese. Kjo është një investim në dije, në vetëdijen kulturore dhe në krenarinë kombëtare.
Maqedonia ka çfarë të tregojë dhe çfarë të ofrojë. Nga artefaktet më të vjetra në këto hapësira, përmes zbulimeve arkeologjike të jashtëzakonshme që përfaqësojnë qytetërimet e mëdha që kanë kaluar këtu, e deri te pasuritë që e përcaktojnë rolin tonë unik në historinë kulturore evropiane dhe botërore.”
Mickoski shprehu mirënjohje për të gjithë ata që punuan për këtë ekspozitë, duke shtuar se kultura është themeli mbi të cilin ndërtohet një komb.
“Kjo ekspozitë e re është më shumë se një eksponat muzeal – ajo është një dritare drejt botës. Me të e avancojmë promovimin e kulturës sonë, forcojmë ofertën turistike dhe e konfirmojmë pozitën e Maqedonisë si shtet me rrënjë të thella dhe me vizion të qartë për të ardhmen. Më lejoni të shpreh mirënjohje për të gjithë ata që punuan për këtë ekspozitë – nga arkeologët, historianët, kuratorët, deri te i gjithë ekipi që investoi punë, dije dhe pasion. Ju jeni ura ndërmjet së kaluarës dhe së ardhmes”, theksoi ai.
“Kultura është themeli mbi të cilin ndërtohet një komb. Ne jemi këtu për të garantuar ai ky themel do të jetë i fortë, i dukshëm dhe i qasshëm për çdo qytetar dhe për çdo vizitor që do të vijë ta zbulojë bukurinë e Maqedonisë.
Le të jetë kjo hapje një kujtesë se jemi të detyruar të ruajmë, të kultivojmë dhe të promovojmë gjithçka që përfaqëson shpirtin e atdheut tonë”, përfundoi kryeministri Mickoski.
