Kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes së gazetarëve për ecurinë e thirrjes së dytë publike për investimet kapitale prej 250 milionë euro për komunat, theksoi se deri më tani gjendja është e shkëlqyer, kanë arritur 340 projekte nga 51 komuna.
“Situata atje është e shkëlqyer, më shumë se 338-340 projekte tashmë kanë ardhur nga 51 komuna. Presim që ky numër të kalojë 400, pse jo edhe 450. Në thirrjen e parë kemi pasur projekte me vlerë gjithsej 72 milionë euro, pa mjetet që kanë kaluar përmes Ministrisë së Transportit”, theksoi Kryeministri.
Qëllimi i Qeverisë, theksoi Mickoski, është të investojë në të gjithë territorin e shtetit.
“Tani kemi 15 miliardë denarë, 250 milionë euro. Çdo ditë jemi prezent në një projekt të ri, ju ftoj, të shtunën në Studeniçan. Aty po fillojmë një projekt të madh, që është për dy ditë nga sot. Pra, siç e kemi premtuar, pavarësisht kryetarit të komunës, nëse është i opozitës apo i pushtetit ose i pavarur, ne kemi synimin dhe qëllim që të investojmë në të gjithë territorin e shtetit”, t1ha ai.
