Pika kufitare Bllacë është ndër më të ngarkuarat dhe më të përfolurat e fundit.
Kjo për shkak të radhëve të gjata kilometrike dhe pritjeve të gjata të qytetarëve për hyrje dhe dalje nga Maqedonia-Kosovë. Por tani ka shpresë se kjo po merr fund ngadalë, përcjell “Tv21”.
Pas disa vonesave në fillimin e “One Stop Shop” në pikën kufitare “Blacë”, tashmë është bërë e ditur se do të fillojë të shtunën, më 12 prill.
Kryeministrat e RMV-së, Hristijan Mickoski dhe të Kosovës, Albin Kurti, pritet të marrin pjesë në hapje të shtunën, e cila paraqet një hap të rëndësishëm simbolik drejt përmirësimit të marrëdhënieve dypalëshe dhe lehtësimit të rrjedhës ndërkufitare.
Sistemi i ri do të thotë kalim kufitar më i shpejtë dhe më efikas për qytetarët dhe bizneset, me një kontroll të përbashkët në vend të dy të veçantë.
