Çairi po bëhet me një qendër të re moderne sportive. Kanë nisur punimet për rikonstruksionin e plotë të Sallës së njohur “Partizan”, një hapësirë që dikur ishte zemra e sportit në komunën e Çairit.
Zëvendëskryeministri i parë i Qeverisë dhe kandidati për kryetar të Komunës së Çairit nga radhët e koalicionit VLEN, Izet Mexhiti, së bashku me deputetin Bekim Sali, vizituan nga afër punimet që tashmë po zhvillohen me intensitet.
“Ky investim prej 1.5 milionë eurosh do ta transformojë tërësisht këtë sallë, duke e kthyer në një qendër moderne dhe funksionale – të denjë për sportistët tanë dhe për gjeneratat e reja. Salla Partizan do të ketë çdo kusht që i nevojitet një hapësire sportive të kohës: për stërvitje, gara dhe zhvillimin e talenteve të rinj”, u shpreh Mexhiti.
Për vetëm disa muaj, kjo sallë do të hapë sërish dyert për komunitetin – më e fortë, më funksionale dhe më profesionale se kurrë më parë.
Ky projekt është pjesë e vizionit të VLEN për një Çair të ri: Çairi i të rinjve, i sportit dhe i mundësive reale.
