Mexhiti vizitoi Shoqatën e Pensionistëve në Çair: Ata meritojnë dinjitet, jo mëshirë, rritja e pensioneve është vetëm fillimi
Zëvendëskryeministri i parë i Qeverisë së Republikës së Maqedonisë së Veriut, Izet Mexhiti, zhvilloi sot një takim me përfaqësuesit e Shoqatës së Pensionistëve të Çairit, ku theksoi se pensionistët janë shtylla e shoqërisë dhe meritojnë respekt, dinjitet dhe barazi.
“Pensionistët nuk kanë nevojë për mëshirë, por për dinjitet dhe e meritojnë plotësisht. Brenda vetëm një viti, pensionet janë rritur me 7.000 denarë, si dëshmi se politika mund të jetë mjet i dinjitetit dhe drejtësisë, jo i harresës”, u shpreh Mexhiti.
Ai shtoi se kjo është vetëm pika e nisjes për investime serioze në shëndetin, kujdesin dhe mirëqenien e gjeneratës së vjetër, duke paralajmëruar ndërtimin e infrastrukturës më moderne, shërbime më cilësore dhe qasje të barabartë për çdo pensionist.
“Ju faleminderit për urtësinë, përvojën dhe besimin që na jepni. Së bashku po ndërtojmë një të ardhme që e nderon të shkuarën dhe e vlerëson çdo kontribut”, tha Mexhiti.
https://www.facebook.com/share/p/1HzScZEVgv/
