Mbi 3,600 fëmijë janë vaksinuar në shtëpitë e tyre ose u është caktuar termin për vaksinim dhe janë shpërndarë mbi 7,500 materiale informuese, në kuadër të fushatës së përbashkët të Ministrisë së Shëndetësisë dhe Organizatës Botërore të Shëndetësisë, me mbështetjen e Bashkimit Evropian, të titulluar “Derë më derë”.
Gjithashtu, në kuadër të kësaj fushate janë vaksinuar në shtëpitë e tyre me vaksinën e gripit sezonal 2630 qytetarë mbi 65 vjeç, të cilët nuk kanë mundur të aksesojnë pikat e imunizimit. Për ta është parashikuar edhe një rivaksinim bivalent për Covid-19.
Në këtë fushatë u përfshinë 30 ekipe mjekësore nga qendrat shëndetësore.
Janë vizituar gjithsej 221 vendbanime rurale dhe 79 vendbanime urbane, pra gjithsej 3867 shtëpi në të gjithë vendin.
