Zv/kryeministri i parë dhe kandidati për kryetar të Komunës së Çairit nga koalicioni VLEN, Izet Mexhiti, së bashku me deputetin Bekim Sali, kanë zhvilluar një takim pune me ekspertë të urbanistikës, duke paralajmëruar projekte të rëndësishme zhvillimore për komunën.
Në një postim në rrjetet sociale, Mexhiti theksoi se për të mirën e Çairit janë angazhuar ekspertë të njohur ndërkombëtarë. “Një nga mendjet më të ndritura të urbanistikës, me hartën e Çairit në duar, tashmë është në terren,” shkroi ai.
Mexhiti premtoi se periudha e ndryshimeve për komunën ka nisur dhe nuk do të ndalet, duke garantuar se projektet do të realizohen me standardet më të larta.
Sipas tij, bashkëpunimi me specialistë të fushës është kyç për të garantuar zhvillim të qëndrueshëm dhe zgjidhje afatgjata për problemet urbanistike të Çairit.
