Zëvendëskryeministri i parë dhe ministër për mjedis jetësor dhe planifikim hapësinor, z. Izet Mexhiti, së bashku me delegacionet nga Qeveria, Kuvendi, Komunat dhe Drejtoritë vendosën kurorë lulesh pranë Pllakës përkujtimore në qendër të Shkupit, të nobelistes shqiptare Gonxhe Bojaxhiut – Nënës Terezë, për nder të 115-vjetorit të lindjes së saj.
Mexhiti pas ceremonisë tha se në 115-vjetorin e lindjes së Nënës Terezë – Gonxhe Bojaxhiut, që lindi në Shkupin tonë, kujtojmë një nga figurat më të ndritura të njerëzimit, misionaren e dashurisë, nobelistën e paqes.
‘Ajo na tregoi se madhështia nuk matet me poste apo pushtet, por me shërbim, përkushtim dhe dashuri ndaj tjetrit. Mesazhi i saj mbetet udhërrëfyes për politikën dhe shoqërinë tonë që të punojmë për paqe, drejtësi e solidaritet, duke mos harruar askënd. Nëna Terezë na la një amanet të shenjtë së dashuria të matet me vepra që bejmë’, tha Mexhiti para mediave.
Zëvendëskryeministri i parë Mexhiti tha se e mbarë bota e njeh mirësinë dhe njerzllëkun e shqiptarëve të Shkupit sipas Nënë Terezës, që ishte simbol se të gjithë dallimet mes nesh janë të parëndësishshme po qe se veprojmë si njerëz, duke u zotuar se po ndërtojmë ardhmëri në të cilën Shkupi sërish do të njihet në mbarë botën si qendër e kulturës së lartë, arsimit të zhvilluar, qendër shkencore dhe teknologjike, me perspektivë për të rinj dhe humanizmin.
