Kandidati i VLEN-it për kryetar të komunës së Çairit, Izet Mexhiti, ka njoftuar se sonte ka qëndruar në lagjen e Gazi Babës ku ka qenë mysafir tek familja e Haxhi Zejnulla Imerit.
“Sonte ishim mysafirë në konakun e Haxhi Zejnulla Imerit, në lagjen Gazi Babë.
Në këtë shtëpi, që pasqyron vlerat e familjes dhe të komunitetit, na pritën njerëz të ndershëm dhe të përkushtuar. Biseda me ta ishte e drejtpërdrejtë dhe e sinqertë, ku dëgjova qartësisht për sfidat, nevojat dhe pritshmëritë që kanë nga politika.
Kjo pritje ishte shumë miqësore, shprehje besimi dhe mbështetjeje. Për këtë, Gazi Babës i jam shumë mirënjohës”, ka shkruar Mexhiti.
