Presidenti i Republikës së Shqipërisë, Bajram Begaj, zhvilloi një vizitë zyrtare në Shkup, ku u prit me nderime të larta nga autoritetet më të larta të Maqedonisë së Veriut. Zëvendëskryeministri i parë, Izeti Mexhiti, së bashku me kryetarin e Kuvendit, Afrim Gashi, dhe zëvendëskryeministrin për qeverisje të mirë dhe transparencë, Arben Fetai, pritën Presidentin Begaj në një takim të ngrohtë dhe miqësor.
Vizita e Presidentit Begaj u cilësua si një hap i rëndësishëm drejt forcimit të marrëdhënieve fqinjësore dhe vëllazërore mes dy vendeve. Në qendër të diskutimeve ishin partneriteti strategjik, vizioni i përbashkët për të ardhmen e rajonit dhe nevoja për bashkëpunim të ngushtë në fusha kyçe si integrimi evropian, stabiliteti rajonal dhe lufta kundër korrupsionit.
“E ardhmja jonë është e përbashkët. Shqipëria dhe Maqedonia e Veriut ecin krah për krah drejt një rajoni më të zhvilluar, më të sigurt dhe të integruar në familjen evropiane,” u shpreh Zv/kryeministri i parë Izeti Mexhiti.
Ky takim u vlerësua si më shumë se një vizitë diplomatike – një mesazh i qartë për forcimin e urave të bashkëpunimit dhe përballimin e sfidave me unitet. Të dyja palët shprehën vullnetin për të avancuar marrëdhëniet institucionale dhe për të thelluar bashkëpunimin në interes të qytetarëve të të dy vendeve.
Vizita e Presidentit Begaj në Shkup shënon një moment të rëndësishëm në marrëdhëniet dypalëshe dhe konfirmon rolin e përbashkët të Shqipërisë dhe Maqedonisë së Veriut në ndërtimin e një Evrope të bashkuar dhe stabile.
https://www.facebook.com/share/p/1BagPJZwzz/
