Sonte, liderët e VLEN-it vizituan Gostivarin për të hapur shtabin zgjedhor dhe për të promovuar kandidatin e koalicionit, Sabeadin Dauti.
‘Me Sebaedin Dautin, Gostivari do të jetë në qendër të vëmendjes. Ky ekip i VLEN-it nuk i harron asnjëherë hallet e dertet e popullit, sepse jetojnë ne mes dhe për popullin’, thekson mes tjerash Zëvendëskryeministri i parë dhe kandidat i VLEN për kryetar të komunës së Çairit, Izet Mexhiti.
Postimi i plotë:
Shiu i rrëmbyeshëm, që ra gati pa pushim, nuk arriti të shuajë dot rrezatimin plot dashuri të zemrave të qytetarëve në Gostivar. Mikëpritja e respekti, shenja kaq dalluesë të kësaj treve, nuk munguan për asnjë çast.
Sonte, u mblodhëm bashkë për të hapur shtabin e VLEN-it në Gostivar. Ishte më shumë se një hapje shtabi. Ishte një sihariq e prelud për ndryshimin që ia vlen e që nuk ndalet.
Me Sebaedin Dautin, që do ta udhëheqë qytetin, dhe Bashkim Hasanin, që do ta përfaqësojë me dinjitet, Gostivari do të jetë në qendër të vëmendjes. Ky ekip i VLEN-it nuk i harron asnjëherë hallet e dertet e popullit, sepse jetojnë ne mes dhe për popullin.
Ekipi me Fisnik Ristemin në krye të shtabit është i bashkuar, i fortë dhe gati për fitore.
Ky është momenti ynë, ky është momenti i Gostivarit.
Me Sebaedinin – VLEN dhe ndryshimi bëhet realitet!
