Zëvendëskryeministri i parë dhe kandidati për kryetar të Komunës së Çairit nga koalicioni VLEN, Izet Mexhiti, ka bërë të ditur nisjen e një projekti të madh infrastrukturor në lagjen Dyqanxhik, me vlerë mbi 1.4 milionë euro.
Projekti parasheh ndërtimin e rrjetit të ri të ujësjellësit, kanalizimit dhe rrjetit atmosferik – një transformim rrënjësor në infrastrukturën bazë që do të përmirësojë ndjeshëm cilësinë e jetës për banorët e kësaj lagjeje.
Mexhiti njoftoi se mjetet për realizimin e këtij investimi janë siguruar nga Qeveria dhe Ministria që ai drejton, në bashkëpunim me Bankën Evropiane për Investime (EIB).
“Jemi në terren, jemi në veprim dhe nuk ndalemi. Dyqanxhiku po ndërtohet me standarde të reja dhe me ritëm të shpejtë,” deklaroi Mexhiti, duke theksuar përkushtimin për të sjellë zhvillim konkret në komunitet.
