Kryetari i Lëvizjes Demokratike, Izet Mexhiti iftarin e sontëm e kaloi me kryeministrin Hristijan Mickoski dhe bashkëpunorët e VLEN-it. Iftari ishte organizuar nga Oda Ekonomike e Maqedonisë Veri-Perëndimore.
‘Iftari ishte një moment bashkimi, por edhe një mundësi për të reflektuar rreth të ardhmes sonë të përbashkët’, thekson mes tjerash Mexhiti.
Postimi i plotë:
Ishte kënaqësi që iftarin e sontëm ta kalojmë bashkë kryeministrin Hristijan Mickoski, bashkëpunorët e VLEN-it dhe kolegë të ndryshëm. Në iftarin e organizuar nga Oda Ekonomike e Maqedonisë Veri-Perëndimore, takuam shumë miq, me të cilët diskutuam tema të ndryshme ekonomike e shoqërore.
Si gjithnjë, iftari ishte një moment bashkimi, por edhe një mundësi për të reflektuar rreth të ardhmes sonë të përbashkët. Duke përkujtuar mësimet e muajit të Ramazanit, duhet të përkujdesemi që t’i forcojmë lidhjet e tanishme mes njerëzve në mënyrë që shoqëria të prosperojë.
Natyrisht, lutjet për mirësi dhe paqe për të gjithë janë gjithmonë shoqëruese të minutave para iftarit. Agjërim të pranuar!
