Në kuadër të prezantimit të shtyllës së dytë të programit të tij zgjedhor “Arsimi”, kandidati për kryetar të komunës së Çairit nga
koalicioni VLEN, Izet Mexhiti, njoftoi për fillimin e ndërtimit të kampusit universitar “Nënë Tereza”, një projekt kapital me vlerë prej 40 milionë eurosh, i mbështetur nga Qeveria.
“Sa për informatë, dje Ministria e Transportit ka dhënë lejen për punët përgatitore për Universitetin ‘Nënë Tereza’, pra prej dje fillon edhe realizimi i projektit” theksoi Mexhiti.
Ai shtoi se të gjitha projektet arsimore për objektet e reja janë të parapara në Planin Detal Urbanistik dhe posedojnë leje ndërtimi, ndërsa për to është siguruar edhe konstrukt i sigurt financiar.
