Zëvendëskryeministri i parë i qeverisë, Izet Mexhiti, në emisionin “Top Tema” në TV Telma deklaroi se fokusi kryesor i koalicionit VLEN është bashkimi i partive në një subjekt të vetëm dhe paraqitja e përbashkët në zgjedhjet lokale.
“Më së paku është e rëndësishme se kush do të jetë kryetar i subjektit politik VLEN. E rëndësishme është që ne partitë po shkrihemi në një subjekt dhe do të shkojmë në zgjedhje lokale të unifikuar me fitore që do ta konfirmojnë mbështetjen e popullit”, tha Mexhiti.
Ai theksoi se nuk e mohon kandidaturën e tij për kryetar të subjektit, por theksoi se nuk e konsideron këtë si çështje problematike. “Jam njeri që di të punojë dhe funksionojë si pjesë e ekipës”, shtoi ai.
