Zëvendës kryeministri i parë, Izet Mexhiti sot gjatë promovimit të iniciativës për subvencionim të taksive, ka reaguar lidhur me problemin e ndotjes që sipas tij vjen nga komunat e udhëhequra nga opozita.
“Ne vetëm pastrojmë dhe ata ndotin. Ne kemi pastruar vazhdimisht, ndërsa komunat që udhëhiqen nga opozita vazhdojnë të ndotin. Por këto ditë do të marrim masa konkrete: do të vendosim kamera, do të dënojmë ndërmarrjen publike të Komunës së Likovës dhe do të mbyllet çështja e asaj deponie, sepse qëllimi ynë është që aty të kemi terren të pastër, ku nuk do të ketë mbeturina”, deklaroi Mexhiti.
Ai shtoi se aksionet për pastrimin do të vazhdojnë edhe në ditët në vijim, duke theksuar se ruajtja e mjedisit të pastër mbetet prioritet.
