Hepatiti përbën një kërcënim për shëndetin publik, por me veprim kolektiv dhe ndërgjegjësim, ne mund të punojmë në parandalimin e tij, zbulimin e hershëm dhe përfundimisht eliminimin e tij, tha ministri i Shëndetësisë Fatmir Mexhiti në ngjarjen e sotme për të shënuar Ditën Botërore të Hepatitit.
Më ngjarjen e cila u organizua në partneritet me Qendrën Hepar Manastir, të pranishëm ishin drejtorët e klinikave ku trajtohen pacientët me hepatit dhe u ngrit një njësi e lëvizshme për testim të hepatitit.
-Rritja e ndërgjegjësimit për hepatitin është ajo ku do të përqendrohemi sot. Shumë njerëz mund të jetojnë me hepatit, por ata nuk e dinë për të, nëpërmjet dhënies së informacionit dhe aktiviteteve në dispozicion në terren ne mund të inkurajojmë individët për të mbrojtur veten dhe të dashurit e tyre nga ky “armik i qetë”.
Ministri Mexhiti theksoi se zbulimi i hershëm i hepatitit ka një rëndësi të madhe për trajtimin dhe kjo është arsyeja pse testimi luan një rol jetësor në identifikimin e infeksioneve në një fazë të hershme kur vetë terapia mund të jetë më me ndikim.
-Si pjesë e angazhimit tonë për të siguruar kujdes shëndetësor cilësor, ne do të vazhdojmë të zgjerojmë kapacitetet e testimit dhe të nxisim kontrollet rutinë, veçanërisht për grupet me rrezik të lartë. Dua të theksoj se sigurimi i aksesit të barabartë në kujdesin shëndetësor cilësor për të gjithë është i domosdoshëm në punën tonë. – theksoi Mexhiti.
Ministri informoi se statistikat tregojnë se 83 raste të reja të hepatitit janë regjistruar në vend vitin e kaluar, ku më i zakonshmi është hepatiti B me 43 raste, duke vënë në dukje se ne priremi të përmbushim objektivat e organizatës botërore të shëndetësisë duke zbatuar një strategji globale për eliminimin e hepatitit deri në vitin 2030. Ai tha se ministria do të vazhdojë të punojë me përkushtim për ta bërë hepatitin të ngelë në të kaluarën tonë.
