Kandidati për kryetar të Komunës së Çairit nga koalicioni VLEN, Izet Mexhiti, vizitoi konakun e familjes së nderuar Haxhi Kemal Neziri në Serovë, ku zhvilloi një takim me banorët për të diskutuar mbi zhvillimet e komunës.
Gjatë bashkëbisedimit u fol për ndërtimin e rrugëve moderne, rrjetin nëntokësor dhe rrjetin atmosferik, si dhe projekte të tjera që e përmirësojnë jetën e përditshme të qytetarëve. Një vëmendje e veçantë iu kushtua mungesës së hapësirave për parkim, sfidë që tani po trajtohet me zgjidhje të qëndrueshme.
“Investimet e realizuara po e transformojnë Çairin në një komunë bashkëkohore, ku cilësia e jetesës rritet dhe çdo familje ndjehet e mbështetur,” u shpreh mes tjerash Mexhiti në një postim mbi këtë takim në faqen e tij zyrtare në rrjetin social facebook.
