Zëvendëskryeministri i parë i Republikës së Maqedonisë së Veriut, Izet Mexhiti, ka njoftuar hapjen e afërt të ambasadës së vendit në Riad, kryeqytetin e Mbretërisë së Arabisë Saudite. Ai theksoi se ky është një hap strategjik që forcon pozitën ndërkombëtare të RMV-së dhe rrit bashkëpunimin me një prej aktorëve më të rëndësishëm të G20-s.
Mexhiti veçoi rëndësinë e kësaj ambasade për qytetarët me besim islam, duke e cilësuar si një akt afërsie dhe kujdesi ndaj tyre, veçanërisht gjatë pelegrinazheve në Mekë dhe Medinë. Ai shtoi se prania diplomatike në Riad do të shërbejë si një urë bashkëpunimi në fusha si ekonomia, turizmi, kultura dhe siguria.
