Meta po teston një shërbim abonimi i cili do t’i lejojë përdoruesit e Instagram dhe Facebook të paguajnë për t’u identifikuar në profilet e tyre, njoftoi Mark Zuckerberg në Instagram.
Shërbimi vjen gjithashtu me përfitime të tjera mbrojtjeje shtesë nga llogaritë jo reale dhe në mbështetjen e klientit. Për të shmangur llogaritë e rreme, abonentët që duan të kenë privatësi duhet të sigurojnë një ID që përputhet me emrin dhe fotografinë e profilit të tyre. Përdoruesit duhet të jenë gjithashtu mbi 18 vjeç për t’u regjistruar.
“Kjo veçori e re ka të bëjë me rritjen e autenticitetit dhe sigurisë në të gjitha shërbimet tona,” shkroi Zuckerberg në Instagram. “Meta Verified” do të fillojë me 11,99 dollarë në muaj në ueb ose 14,99 dollarë në muaj në iOS dhe kompania do të fillojë ta testoj atë në Australi dhe Zelandën e Re këtë javë dhe së shpejti në më shumë vende të tjera.
