Është mësuar orari i ndeshjeve të para dhe atyre të kthimit në gjysmëfinale të Ligës së Kampionëve.
Real Madrid – Manchester City dhe Milan – Inter janë dy çiftet gjysmëfinaliste të këtij edicioni në ligën më prestigjioze evropiane për klube, shkruan lajmi.net.
Ndeshjet e para do të zhvillohen më 9 maj, ndërsa ato të kthimit luhen një javë më vonë, më 16 maj.
14 herë kampionët e Evropës, Real Madrid për të arritur në gjysmëfinale mposhti Chelsea me rezultat të përgjithshëm 4:0.
City në anën tjetër fituan 4:1 ndaj ekipit gjerman, Bayern Munich pas dy takimeve.
“Rossonerët” nga Milano arritën të prenë biletën për gjysmëfinale pas 16 vjetësh. ata mposhtën 2:1 Napolin.
Ndërkaq, Interi triumfoi 5:3 me rezultat të përgjithshëm ndaj Benficas.
