Nesër (e shtunë) ekipi shqiptar Bad News Eagles do të përballet me ekipin Rare Atom për një vend në gjysmëfinale të turneut ESL Challenger Melbourne.
Kjo ndeshje do të zhvillohet duke filluar nga ora 5:50 në formatin ‘Bo3’.
Të dyja skuadrat kanë shënuar nga një fitore dhe kanë pësuar nga një humbje në këtë turne, dhe tani do të përballen mes vete për një vend në gjysmëfinale.
Turneu ESL Challenger Melbourne po zhvillohet në Melburn të Australisë, ku tetë skuadra garojnë për një grup çmimesh prej 100.000 dollarësh.
Favorit i kësaj ndeshje është ekipi shqiptar me renditje në vendin e 23 –të në ranglistën botërore të CS:GO, tetë vende më lart se ekipi kundërshtar.
Ndeshja do të transmetohet në kanalin zyrtar të ESL në platformën Twitch, si dhe do të percjellet nga një numër i madh i publikut në sallë.
