Maqedonia perëndimore u zbraz nga mërgimtarët. Pasi përfunduan pushimet e dimrit, ata u kthyen për vendet e Evropës dhe Perëndimit, atje ku jetojnë dhe veprojnë. Megjithatë periudha e qëndrimit në vendlindjen e tyre, gjallëroi ekonominë. Sipas ekspertëve, impakti për shtetin nga mërgimtarët në sezonin dimëror arrin deri në 120 milionë euro. Infuzioni që merr shteti nga ardhja e mërgimtarëve çdo vit është tejet i madh.
“Çdo vit remitancat nga mërgimtarët kanë një impakt shumë të rëndësishëm për Maqedoninë. Remitancat sipas vlerës që gjenerojnë të hyrja në vend, mund të ndahen në dy sezone, pjesa verore, dhe festat e fundvitit. Sipas vlerës pra, rreth 80 – 120. Milion euro janë të hyra vetëm në këtë sezon të dimrit, ndërsa impakti total mbërrin deri në 400 milion euro. Kjo ka impakt të madh si në mikro ekonomik edhe në makro ekonomik. Në aspektin mikro ekonomik ka të bëj me një faktor të stabilitetit familjar, ndërsa në makro ekonomik remitencat përmbushin disa boshllëqe në makro ekonomi. Remitencat vjetore në Maqedoni janë tre herë më të larta se investimet e huaja”, tha Ali Maksuti. Ekonomist.
Këtë periudhë më shumë të ardhura nga mërgimtarët kanë përfituar restorantet, objektet hotelererike, por edhe restorantet e dasmave dhe butikët.
“Ka ndikuar tek ne shumë vërtetë shumë dhe nëse nuk do ishin mërgimtarët në Maqedoninë Veri Perëndimore shumë rëndë do ishte madje edhe për ekzistencën. Kemi pasur dasma, ka pasur edhe rezervime madje edhe për vitin 2026 , për vitin e ri njëjtë kemi pasur rezervime pra siç thash po të mos ishin mërgimtarët shumë vështirë do të ishte”, tha Naser Avzia.Kryetar i Shoqatës së gastronomëve të MVP./Alsat.mk
