Më 14 Shkurt, me makinë-bombë ka qenë I planifikuar atentati ndaj Ministrit të Jashtëm, Bujar Osmani, i cili si përfaqësues I Maqedonisë së Veriut, kryesues me OSBE-në, ishte për vizitë në Moldavi – ka publikuar portali moldavez “Realitatea”, percjell KlanM.
Pretendohet se akti duhej të ndodhte gjatë vizitës së Osmanit në Transnistri (Pridnestrovje) një rajon separatist në Moldavi, që tashmë tri dekada nuk është në kontrollin e autoriteteve të Moldavisë. Në Transnistri jetojnë forca lojale të Moskës, kurse në këtë rajon janë të stacionuar rreth 2.000 ushtarë rusë.
Autoritetet separatise në Tiraspol, qendrën administrative në Transnistri, sic percjell KlanM, për planin e atentatit e akuzojnë Kievin. Thonë se makina ku ka qenë I vendosur mjeti shpërthyes duhet të ishte parkuar në afërsi të Kalasë “Tigina”, ku ka kaluar kolona e automjeteve me përfaqësues të OSBE-së dhe liderëve të Tiraspolit.
Pasi ky plan ka dështuar, sic percjell KlanM, pretendohet se ka patur një plan tjetër rezervë, që delegacioni i OSBE-së të sulmohet rrugës për në kryeqendrën moldaveze Kishinjev, por ekzekutori ka hequr dorë nga sulmi.
Organet hetuese në Tiraspol kanë prezantuar një video-xhirim të momentit ku pretendohet se agjenti ka ndjekur delegacionin e OSBE-së që udhëhiqej nga Bujar Osmani. Por, xhirimi nuk tregon asgjë të veçantë, përveç brendësisë së një trolejbusi që pret në udhëkryq derisa të kalojë kolona e automjeteve të OSBE-së.
Gjithashtu pretendohet se pasi policët e kanë gjetur këtë video-xhirim në celularin e të dyshuarit, ai ka filluar të flasë për sulmin e planifikuar.
Vizita e Bujar Osmanit, I shoqëruar edhe nga gazetarë nga Maqedonia e Veriut, më 13 dhe 14 Shkurt, sic njofton KlanM, ndodhi në kohën e situatës së tensionuar politike në Moldavi. Tri ditë më parë kishte rënë Qeveria pro-perëndimore e Kryeministres Natalija Gavrilica, kurse Osmani në rolin e kryesuesit me OSBE-në kishte thënë se qëllimi kryesor I vizitës është të nxitet procesi i negociatave thelbësore midis Qeverisë së Moldavisë dhe autoriteteve të Transninstrisë.
Më 24 shkurt, sic percjell KlanM, në përvjetorin e nisjes së agresionit rus në Ukrainë, Presidenti rus, Vladimir Putin, shfuqizoi dekretin e vitit 2012, me të cilin Kremlini garanton sovranitetin dhe integritetin e Republikës së Moldavisë.
https://t.me/realitateamd/20412?single
