Fenomeni i rrjeteve sociale, Hatixhe Brika ishte e ftuara e radhës në podcastin e Grida Dumës. Çuditërisht, Hati përmendi një kujtim nga fëmijëria e saj që kishte të bënte pikërisht me autoren e podcastit.
E pyetur nga Duma se si e ka raportin me politikën, Hati përgjigjet me sinqeritet:
“Shumë keq. Nuk ndjek politikë fare.”
Por menjëherë pas kësaj, ajo e befason Gridën me një kujtim të hershëm nga fëmijëria:
“Mbaj mend kur ke kandiduar për kryetare bashkie në Durrës. Ke ardhur tek lagjja ime për fushatë. Unë isha e vogël, po luaja me motrën dhe dikush na tha: ‘Hajdeni, do takojmë Grida Dumën’. Na ulën në rresht të parë, ti erdhe, na përshëndete, madje na puthje në ballë. Këtë kujtim kam nga politika në Shqipëri.”
Grida Duma, e surprizuar nga kujtesa e detajuar e Hati-t, buzëqesh dhe i përgjigjet me humor:
“Edhe për bukuri, është kjo taktika e marketingut politik, normal.”
Një moment i ngrohtë që ktheu pas në kohë jo vetëm Dumën, por edhe publikun, duke e bërë bisedën mes tyre një nga episodet më njerëzore e të sinqerta të podcastit.
