Me mbishkrime dhe fotografi të viktimave që u shuan shumë herët, familjet e viktimave të tragjedisë në diskotekën “Puls” kërkuan edhe një herë drejtësi për të dashurit e tyre. Të pakënaqur me raportin e institucioneve ndaj rastit, prindërit e viktimave thonë se të dyshuarit ndalohen dhe lirohen përsëri, kurse drejtësi nuk ka akoma. Ata thanë se kanë marrë kërcënime, pa theksuar se nga kush janë të njëjtat.
“Me çfarë ju kërcënuan? Se ne prindërit e fëmijëve të mitur do të mbajmë personalisht përgjegjësi. Kush ju kërcënoi? Nuk ka rëndësi kemi informacione” – deklaratë e prindit të fëmijës së vdekur nga Koçani.
“A do t’i mbulonit njerëzit që janë bashkëpunëtorë, nëse fëmijët e vrarë do të ishin fëmijët tuaj, ndoshta atëherë do ta kuptoni se arsyeja e vetme për të cilën po luftojmë është drejtësia për fëmijët tanë të vegjël të vrarë, më parë, tani dhe në të ardhmen, ju kujtojmë se nuk do të ndalemi këtu” – deklaratë e prindit të fëmijës së vdekur nga Koçani.
Prindërit kërkuan gjithashtu llogaridhënie nga inspektorët të cilët, pavarësisht mangësive, lejuan që diskoteka “Puls” të funksiononte.
“Të gjithë ata që punojnë do t’ju japin ryshfet, do t’ju çojnë në dreka dhe aksidentalisht do të harroni kontrollin e punës së tyre. Kjo nuk është vetëm një copë letër, e gjitha kjo është e vërtetë sepse të gjithë kemi pasur nevojë për ju këtu dhe në një farë mënyre na është kërkuar edhe ryshfet apo diçka e tillë. Inspektorë ma thoni, a vlejnë jetët e fëmijëve tanë më shumë se ajo që ju është dhënë?” – deklaratë e prindit të fëmijës së vdekur nga Koçani.
Tragjedia ndodhi më 16 mars, kurse 62 persona vdiqën si pasojë e zjarrit që kaploi diskotekën. /Alsat.mk
