Më 7 gusht në Prishtinë do të mbahet protestë kundër gjykimit që po bëhet ndaj ish krerëve të UÇK-së

Më 7 gusht në Prishtinë me fillim prej ora 17 do të mbahet protestë gjithë popullore kundër gjykimit që po bëhet ndaj ish krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi e Jakup Krasniqi. Organizata e Veteranëve të Luftës ka dalë me thirrje për protestë dinjitoze dhe pa ngjyrime politike. “Bashkë, me dinjitet dhe paqe, do të ngremë zërin kundër padrejtësive.”, thuhet në njoftim. Një protestë e ngjashme ishte mbajtur në prillin e vitit 2023, një ditë para se të nisë gjyqi për krime lufte ndaj ish-krerëve të Ushtrisë Çlirimtare të Kosovës”, thuhet në thirrjen e OVL-UÇK-së.