Kilian Mbape po shijon pushimet disaditore në Majami, përpara një takimi të rëndësishëm këtë të premte (30/06) në Paris, i cili duhet të qartësojë njëherë e mirë të ardhmen e afërt të lojtarit të Paris Sen Zhermenit. Sipas “MARCA”-s, përfaqësuesit e yllit francez të udhëhequr nga nëna e tij Faiza Lamari dhe PSZH, i drejtuar nga Nasser Al Khelaifi, do të takohen me qëllimin e vetëm për të zgjidhur situatën.
Pak ditë më parë dukej e sigurt se Mbappe po jetonte momentet e tij të fundit si futbollist i Parisit pas letrës që i dërgoi klubit për të konfirmuar qëllimin e tij për të mos shkaktuar klauzolën që do t’i rinovonte automatikisht kontratën e tij deri në vitin 2025.
Megjithatë, situata ka ndryshuar në orët e fundit dhe nuk mund të përjashtohet asnjë skenar. Rryma që ka filluar të rritet është se lojtari mund të rinovojë me një kontratë të re dy ose tre vjeçare, por me kusht që të transferohet në vitin 2024.
