Më 21.08.2025 në orën 14:40 në SPB Tetovë, një grua 79-vjeçare nga Tetova denoncoi se ishte mashtruar nga një person për shumën prej 16,000 euro dhe 10,700 franga zvicerane.
Sipas denoncimit, personi e ka kontaktuar në telefon, është prezantuar si mjek dhe i ka thënë se vajza e saj kishte shkaktuar aksident trafiku, me ç’rast ka pësuar lëndime të rënda trupore dhe se duhej të paguante për operimin e domosdoshëm. Siç është denoncuar, ajo i ka hedhur paratë nga ballkoni një personi, ndërsa më pas ka kuptuar se ishte mashtruar.
Po ndërmerren masa për zbardhjen e rastit.
