Zëvendëskryeministri dhe Ministri i Punëve të Jashtme dhe i Mbrojtjes i Irlandës, Michael Martin, e inkurajoi Maqedoninë e Veriut që të përfundojë me sukses ndryshimet e ardhshme kushtetuese, për përparim të pandërprerë drejt anëtarësimit të plotë në Bashkimin Europian. Martin pas takimit me Ministrin e Punëve të Jashtme, Bujar Osmani në Dublin, theksoi se edhe Irlanda e ka pasur një obligim të tillë para se të bëhet anëtare e Unionit, por se ia ka vlejtur, sepse ka rezultuar në transformim pozitiv të vendit.
“Nga perspektiva e qeverisë irlandeze dhe popullit irlandez, votuam në referendum për të hequr dorë nga pretendimet tona territoriale ndaj Irlandës së Veriut si pjesë e kompromisit që të gjithë duhej të bënin për të arritur paqen në Irlandë. Kam kënaqësinë të them që ia dolëm. Kemi 25 vjet paqe dhe për brezat e rinj tani, kjo është diçka që duhet të mësohet në librat e historisë për sa i përket konfliktit, sepse realiteti i tyre është realitet paqeje dhe cilësi më e mirë jetese”. -theksoi Martini.
Kreu i diplomacisë irlandeze shprehu mirënjohjen e tij për kryesimin profesional të Maqedonisë së Veriut me OSBE-në, në rrethanat e vështira në të cilat ndodhet bota.
