Vendimi i marrur sot në Këshillin e ministrave të Qeverisë shqiptare e ka bërë të ditur ministrja e Turizmit dhe Mjedisit, Mirela Kumbardo. Ajo ka deklaruar se zona e shpallur “Park Kombëtarë” do të ketë 12 mijë e 727 hektarë. Lumi Vjosa “Kemi sot vendimin përfundimtar që e shpallim lumin e Vjosës lumin e fundit të egër në Europë Park Kombëtar, kategoria e dytë e mbrojtjes që është shumë më e lartë se ajo që kishte një vit më parë si Park Natyror. E kemi shtrirë këtë sipërfaqe mbrojtje në 12 727 ha që është gjithë sipërfaqja ujore, bregore e lumit bashkë me sipërfaqen tokësore që së bashku me të tre degët e lumit Vjosë, Drino, Bënsh, Shushicës bëjnë atë që duhet atë që është sot parku i parë i një lumi të egër në Europë.”, ka thënë Kumbaro. Ndryshe, 2 qind e 72 kilometra të këtij lumi gjendet në territorin e Greqisë, dhe 1 qind e 92 kilometra në territorin e Shqipërisë.
