Pas daljes nga shtëpia më e famshme në Shqipëri, “Big Brother VIP”, Luizi Ejlli ka pasur projekte pafund në muzikë dhe jo vetëm.
Mes bashkëpunimeve që ka paralajmëruar, këngëtari i dashur për publikun do të sjellë gjithashtu një tjetër këngë dedikuar dashurisë së tij, Kiara Titos.
E gjeni dot si do të titullohet kënga?
“KIARA”.
Titulli i këngës është bërë i ditur nga regjisori Xhulian Shabani nëpërmjet një postimi në “Facebook”, i cili do të merret me regjinë e videoklipit të Luizit.
“Kthehem me një pikënisje e më të fortë se më parë! Regjia ime, së bashku me ekipin tim te SynopsisAds do bëjmë video klipin e Luiz Ejli, për këngën “Kiara”. Kjo është një kënaqësi e madhe për mua, sepse tregon se vlerat e një artisti nuk vdesin kurrë, por ushqehen nga puna e palodhshme dhe angazhimi i ekipit të talentuar!”, ka shkruar regjisori në “Facebook”.
